CVO slimkop bewys homself

MOKOPANE – Potgietersrus CVO Skool se Louis Boshoff in Graad 11 het tydens sy onlangse deelname aan die Nasionale Wêreldkennis Olimpiade deelgeneem en as die wenner van Limpopo uitgetree. Die kompetisie waaraan Boshoff deelgeneem het (sekondêre fase) is vanjaar vir die 25ste keer gehou. Die doel van die kompetisie is om skool leerders van Graad 6-12 se algemene kennis te toets en hulle aan te moedig om hul kennis uit te brei deur onder andere koerante gereeld te lees.