Nuwe groentjies geniet opedag
Hoërskool Piet Potgieter (HPP) het verlede Vrydag die Graad 7's van Laerskool Krugerpark verwelkom as aanstaande jaar se nuwe groentjies tydens die skool se opedag.
Nadat die nuwe groentjies getrakteer is met ’n koor optrede waar HPP se sêr groep hulle bekoor het, het hulle op 'n opvoedkundige toer deur die skool meegemaak. Leerders was baie beïndruk met aanbiedings in Wiskunde, Gasvryheid, RTT, Ingenieursgrafika en Fisiese wetenskap.
Die skoolkinders het hulle bloed blou laat kleur deur die passievolle sing van sport liedjies, optrede van die komende revue en selfs 'n item deur die onderwysers. Die dag is op 'n hoogtepunt afgesluit met 'n kleur fees. HPP se nuwelinge het gesê hulle kan nie wag vir 2017 om aan te breek vir hulle om volwaardige Potties te word nie.
0 Comments