HPP skerp hulle spelvermoë op

Sowat 300 leerders van ongeveer 100 skole het Saterdag byeengekom om hul spelvermoëns te meet. Dit volg op ’n reeks uitdunne wat gedurende die jaar regoor die land aangebied is. Hierin het vier leerders van Hoërskool Piet Potgieter (HPP) meegeding en hulle goed van hulle taak gekwyt. WOW, ’n akroniem vir Woorde Open Wêrelde, het ten doel om ’n liefde vir lees en woorde by leerders te kweek. René Buitendag, Madelein Leibrandt, Charlize Collins en Ijanke Steyn van Hoërskool Piet Potgieter het verlede Saterdag aan die WOW Nasionale Spelfees in Stellenbosch deelgeneem en goed gevaar. Madelein Leibrandt se spelvermoë het aan haar ’n vyfde plek in die fees besorg.