The Mile-high kickboxing club in Lephalale is hosting the Bushveld Rage 2 championship at the Mogol Club on Saturday 5 October. The cage fighting event promises to be a showcase of fighting disciplines such as Mixed Marshal Arts, Shidokan, Extreme Striking, K1 and Kick Boxing. The entrance fee is R80 per adult and R50 per child.

Natalie Perrier, ‘n Graad 6 leerder van Laerskool Bosveld Primary het hierdie vakansie hard saam met haar afrigter, pa Vincent Perrier, geoefen om slaggereed te wees vir die Limpopo hokkie proewe wat vroeg in die vierde kwartaal gehou sal word. Natalie was een van omtrent 60 dogters uit verskeie skole in die streek wat verlede Donderdag aan die streek proewe in Bela-Bela deelgeneem het.

Mokolo dam was Saterdag in rep en roer met bote vol vissermanne- en vroue wat naarstigtelik op soek was na die grootste vis vir die Hervormde Kerk Ebenhaeser se jaarlikse hengelkompetisie.

Twee van Mogolklub se karatekas het Saterdag elk ‘n goud en silwer medalje vir onderskeidelik Kumite en Kata by die Noordstreekkampioenskappe in Pretoria ontvang. Lizelle van den Berg en Steven Verwey het deelnemers van Gauteng, Limpopo, Botswana, Zimbabwe en Mosambiek uitgestof om die top toekennings te ontvang. Saam met hulle is hul afrigter, Sensei Anneline Janse van Vuuren.

Mokopane Swemklub se swemmers het die naweek aan die Shamu Sprint Gala in Tzaneen gaan deelneem waar hulle behoorlik die rekords laat spat het.

Hierdie drie bulletjies van Laerskool Bosveld Primary het die Streek 1-krieketspan gehaal en die Bossies is sommer baie trots op hulle! Van links is Diehann Pretorius, Conrad Prinsloo (albei o/12) en Janco Lötter (o/11). Die seuns gaan van 19 tot 21 September aan die jaarlikse streektoernooi op Tzaneen deelneem.

Laerskool Bosveld Primary se hokkie-spanne het verlede Donderdag teen Laerskool Nylstroom op hul tuisveld gespeel. Baie geluk aan die o/11 span wat hulle wedstryd 1-0 gewen het. Die Bossies se 1ste span (foto) het ook goeie hokkie gespeel, maar kon egter nie die wedstryd beklink nie.

Laerskool Bosveld Primary se mini-krieket het op egte lente-dag tradisie behoorlik “geblom”. Verlede Saterdag het Laerskole Warmbad, Koedoeskop en Platina kom deel in die pret en almal was dit eens dat dit die regte leerskool vir groot krieket is. Die seuns het skitterende krieket gespeel en die skool wil al die ouers, afrigters, organiseerders en ander betrokkenes bedank wat gehelp het om van die dag ‘n sukses te maak.

Vyf van Hardekool Akademie se leerlinge het Saterdag aan die SA Landloop kampioenskappe op Mokopane deelgeneem en puik presteer. Van links is Johannes 0pperman (silwer), Thinus van Rooyen (silwer), Helgard Muller (Goud), Wilmari Muller (brons) en Stefanie Heystek (brons).

Hannah Leahy, ‘n graad 7 leerder aan die Laerskool Bosveld Primary in Onverwact, neem Saterdag in Potchefstroom deel aan die SA’s landloop vir Laerskole. Sy gaan dan 4km teen van Suid-Afrika se top laerskool langafstand atlete hardloop.

These learners from Carpe Diem School participated in the South African Christian Schools Athletics Association’ invitational athletics championships. They are from left: Nimo Hayden who won a gold medal for shot put, Mamphela Matshaba who won gold for high jump, Mpho Masenya who received bronse for discus, shot put and javelin and Lerato Sejeng who got silver for shot put. With them is their principal, Rachel Janse van Rensburg. Well done!

Daar is nog net vyf weke oor om voor te berei vir die Debtsafe Cansa MTB Challenge wat op 12 Oktober by die Mokopane Wildteelsentrum gehou word. As jy nog nie begin oefen het nie, beter jy opskud! Noordelike Nuus het by Pierre Visser van Health Zone gaan kers opsteek vir fiksheidswenke ter voorbereiding vir die fietswedren. Pierre het Health Zone se spinfietse beskikbaar gestel vir die spinathon wat as deel van die Cansa/Debtsafe inisiatief aangebied word. Een van die beste maniere om vinnig fiks te word, is natuurlik gereelde spinklasse. Pierre sê daar is elke middag om 18:00 ‘n spinklas by Health Zone. Hy beveel aan dat almal hard oefen tot twee dae voor die wedren. Dan moet deelnemers rus. Dit beteken nou nie op die bank voor die televisie lê en skyfies eet nie, maar eerder lae-intensiteit oefening soos ‘n ent gelykpad ry sonder om jou asem te laat jaag. “Dit is ook belangrik dat ‘n mens so ‘n week voor die wedren begin carbo load deur pastas te eet en ander koolhidraataanvullings in te neem,” sê Pierre. Hy voeg by dat fietsryers deurentyd baie water moet drink en gereeld strekoefeninge moet doen. Lees volgende week meer oor die spinnathon wat tydens die Cansa DebtSafe MTB Challenge aangebied word. Skakel Pierre gerus vir nog raad of vir navrae oor hul nuwe spin- fietse by die gimnasium by 082 492 4196

Thinus van Rooyen van Hardekool Akademie in Lephalale het verlede naweek aan die Pro-Amm skietkompetisie by die Vuurwapenfees op die dorp deelgeneem. Hy het ‘n 1ste plek in die junior afdeling gekry waar hy met ‘n 308 en .22 geskiet het.

Benise Geyser, bekende langafstandatleet van Lephalale, het verlede naweek aan die Dawn to Dusk wedloop in Akasia deelgeneem. Benise het ‘n algehele vyfde plek behaal deur 86 km in die toelaatbare 12 ure te voltooi. Deelnemers hardloop vir 12 ure lank om ‘n 1km baan om te kyk wie die verste in die toelaatbare ure kan hardloop. Dit was haar vierde Dawn to Dusk wedloop wat sy voltooi het en daarvoor het sy dus ‘n permanente nommer vir die wedloop ontvang. Baie geluk Benise!

Die o/16 rugbyspan van Hoërskool Piet Potgieter is aangewys as die span van die jaar tydens die skool se rugby toekenningsaand verlede week. Marnus Uys, Heino Viljoen, Colin Steyn en Luanro Congueiro is gekies om aan die o/16 Bokkieweek deel te neem en Driekus Kleynhans is in Limpopo se o/16B-span opgeneem. Hier is die span saam hul trotse afrigter, Alwyn Olivier.