Gys jaag saam met die beste

Lephalale se Gys Grieshaber van Grieshaber prokureurs en eiendomsagente het kort voor die Kersgety sy beste tyd nog in die Roof of Africa tydren in Lesotho behaal. Op sy KTM het Gys sy staal gewys teen van die wêreld se beste ‘extreme enduro’-jaers en ‘n silwer medalje verwerf. Die Roof of Africa word as een van die hoogtepunte op die wêreld tydren kalender beskou. Jaers van regoor die wêreld aspireer om te kan sê hulle het aan hierdie ren deelgeneem en die wat deelneem, hoop on te kan sê hulle het klaargemaak.
Hierdie jaar het 240 jaers deelgeneem, 53 Goue medaljes is toegeken, 65 silwer en 82 brons. Gys was 27ste onder die silwermedaljewenners. Graham Jarvis het die tydren gewen, met Chris Birch tweede en die Suid-Afrikaner, Jade Gutzeit, derde.