Mokopane gimnastiek se ster brand helder!
Afrigter Richard Marshall (agter) by (van links) Hanru Bester, Erns Coetzer-Neethling (voor) Juandré Ruytenberg en Joshua van der Merwe.
Die Mokopane Gimnastiekklub spog met twee nuwe kampioene. Lungile Mhlangu en Melody Raats het albei goue medaljes huis toe gebring na hul deelname verlede naweek aan die North Zone gimnastiekkompetisie.
Die Noordstreek – Gauteng, Limpopo en Mpumalanga - se top gimnaste het in Kempton Park se binnenshuise sportsentrum teen mekaar te staan gekom.
Melody en Lungile het onderskeidelik in die o/10 en o/9
ouderdomsgroep koning gekraai.
Gimnaste is volgens hul totale punte vereer en Lungile en Melody het beide ‘n platinum gemiddeld verwerf (dit is hoër as goud).
Ander gimnaste wat goed presteer het, is Lesedi Mashishi wat ‘n algehele vyfde plek verwerf het vlak 2 met 'n platinum gemiddeld. Jody Knight het 23ste klaargemaak en het 'n goud gemiddeld verdien.
Chené Goosen (vlak 1) het ‘n algehele elfde plek gekry (goud gemiddeld), tewyl Jessica Essakow 21ste was met ‘n silwer gemiddeld.
Die seuns het ook goed gevaar. Hanru Bester het aan vlak 1 deelgeneem en vyftiende gekom met ‘n silwer gemiddeld. Erns Coetzer-Neethling het ‘n algehele vyfde plek gekry met ‘n goud gemiddeld, terwyl Juandré Ruytenberg, ‘n algehele agste plek verower het (silwer). Joshua van der Merwe ‘n algehele sestiende plek gekry het. Hulle het op vlak 3 deelgeneem.
Voor: Chené Goosen, Lungile Mhlangu, Melody Raats en Jessica Essacow.
Agter: Lesedi Mashishi en Jody Knight by hul trotse afrigter Marinda Marshall.
Dinamiet kom in klein pakkies! Lungile Mhlangu en Melody Raats het eerste plekke verower in hul ouderdomsgroepe tydens die Noord-streekkampioenskappe. By hulle is hul afrigter Marinda Marshall.
0 Comments