Lephalale danser presteer in Europa

Rachelle Pretorius, ‘n leerder by Hardekool Akademie in Lephalale was een van net 30 Suid-Afrikaners wat onlangs deelgeneem het aan 2014 European Championships in Barcelona, Spanje.
Dansers van Rusland, Griekeland, Suid-Afrika, Singapoer, Swede, Brasilië, België, Engeland, Israel, Italië, Australië en Suid-Afrika het aan dié strawwe kompetisie deelgeneem. Rachelle was deel van die Suid-Afrika -span wat ‘n goue medalje verwerf het. Die span het ook die trofee vir bo- gemiddelde werk ontvang. Die finale punte word binne die volgende maand verwag. Hardekool Akademie is trots op hierdie talentvolle danser.