Krugies wen Top 10 swem

Swemmers van Laerskool Krugerpark (onder leiding van Awie Hatting van die Mokopane Swemklub) het Woensdag teen sewe ander laerskole in Tzaneen by Unicorn Preparatory School gaan meeding.
Die Krugies het as oorwinnaars uit die stryd getree en het die afgelope vier jaar se wenner, Laerskool Tzaneen, geklop. Skole wat meegeding het was Laerskool Bosveld Primary, Laerskool Ellisras, Laerskool Messina, Laerskool Phalaborwa, Laerskool Pietersburg-Oos, Laerskool Tzaneen en Unicorn Preparatory School.
Krugerpark was algeheel eerste met 617 punte, gevolg deur Tzaneen, Phalaborwa, Pietersburg-Oos, Unicorn, Mussina, Ellisras en Bosveld. Die puntestand was soos volg vir die seuns: Tzaneen (317), Krugerpark (290) en Phalaborwa (227). By die dogters was die puntestand  Krugerpark (327), Tzaneen (289) en Phalaborwa (219).