Langasems wen fietswedren

MOKOPANE - Neef en niggie, Ina en Johan le Roux van Mokopane het die afgelope naweek se bosveldson aangedurf en is as algehele wenners van die drie-dae-lange Sondela bergfietswedren gekroon.
Die 120km wedren het op Vrydag 5 Desember by die Sondela Wildreservaat in Bela-Bela afgeskop. Saterdag se afstand was drie keer so vêr soos Vrydag se 20km en Sondag se laaste 40km het fietsryers se uithouvermoë op die proef gestel. Die Le Roux’s het al drie fases van die wedstryd kafgedraf en het ’n spog trofeë verwerf.