HPP spring goed weg!

Hoërskool Piet Potgieter (HPP) se atlete het mekaar behoorlik opgekeil tydens die skool se Interhuis atletiekbyeenkoms Dinsdag. Marnus Uys, Soretha Kruger, CG Kruger en Anje de Wet was  die top uitblinkers.
Die spanne wat in hulle verskillende kleure aan die atletiekbyeenkoms deelgeneem het, was baie ywerig om die wenbeker op te eis. Die wit span het hulle opvolgers (die oranje span) met 123 punte geklop en seëvier met ’n totaal van 745 punte.
Die top-tien atlete is soos volg: Marnus Uys (senior Victor Ludorum), Mirieck Griessel, Luzaan Taljaard, Soretha Kruger (senior Victrix Ludorum), Ashley Coleman, Tshego Nkwe, Anje de Wet (junior Victrix Ludorum), David Mofomme, Johnty Darvall en Cynthia Lebelo. CG Kruger is die junior Victor Ludorum.