Sportman volg in pa se voetspore

MOKOPANE - Janco Abrahamse ‘n Graad 3 leerling van Laerskool Krugerpark volg mooi in pa, Robert Abrahamse, se voetspore. Dié agt jarige knapie het homself oortref met ’n spoggerige tweede plek tydens sy deelname aan die onlangse Limpopo Junior Muurbal Kampioenskappe in die o/13 en o/14 gemengde afdeling.
Janco word deur sy pa Robert, ’n baie bekwame plaaslike muurbalspeler, afgerig en gaan Limpopo verder verteenwoordig in die nasionale kampioenskappe wat in April in Bloemfontein plaasvind.