Egipte wink vir Monique

MOKOPANE - Monique Venter, ’n leerder van Hoërskool Piet Potgieter, is ’n stoeier van formaat van Potties Stoeiklub wat baie opgewonde is oor haar eersdaagse besoek aan Egipte. Venter is onlangs gekies om die Afrika Kadette Protea span vir juniors (15 tot 17 jaar) tydens die Afrika Kampioenskappe in Egipte te verteenwoordig. Dié kranige stoeier het op 10 April ’n eerste plek verower tydens haar deelname aan die Suid-Afrikaanse Presidente Kampioenskappe vir stoeiers 11 tot 20 jaar.