100 spelers by kerk gholfdag

MOKOPANE – Niks minder as 100 gholfspelers het die AGS Groeipunt Gemeente se jaarlikse gholfdag verlede Saterdag op die Kameeldoring Buiteklub se gholfbaan ondersteun. “Dit was ’n aansienlike groei in vergelyking met vorige jare se opkoms,” het pastoor Richard Vigus baie dankbaar na afloop van die gholfdag tydens die prysuitdeling gesê. 
Die wenners van die gholfdag met 49 punte was Tony Hawken and Shaun McGrath. Kort op hulle hakke met 48 punte was Freddie van Wyk en Pottie Potgieter en in die derde plek met 47 punte was Keith Freeman en Keagen Ross. 
Naaste aan die pen op putjie 3 was Benjamin Bopape. Naaste aan die pen op putjie 6 was Koos Meyer. Naaste aan die pen op putjie 13 was H. Nel en naaste aan die pen op putjie 17 was Tony Hawken. 
Die kerk het hulle opregte dank uitgespreek teenoor al die borge wat tot die gholfdag se sukses bygedra het.