Rassies draf Tom Naudé kaf

LEPHALALE - Tegniese Hoërskool Tom Naude van Polokwane het hulle rieme styf geloop in Ellisras tydens ‘n rugbydag Saterdag, 30 Mei.
Gesien in die lig dat Tom Naude as ‘n groot skool gereken word en EHS medium, is die uitslae fantasties. Al die Rassies se spanne wen behalwe die tweede span wat naelskraap verloor met 5-7. Die Rassies se o/14 span wen 29-19, o/15 wen 39-5, die o/16’s wen 28-7 en die Rassies se eerste span wen oortuigend met 25-12.
Die Rassies se eerstespan se drieë word gedruk deur Reinhardt van Greuning, Johan Pitout en Daantjie Johnson. Al die afrigters is baie tevrede met hulle spanne wat pragtige hardloop-rugby gespeel het.
Hierdie Saterdag speel die Rassies teen Hoërskool Piet Potgieter in Ellisras.