Renjaers wys hul staal

MOKOPANE - Die hitsmotorjaers van Mokopane het Saterdag teen die manne van Gauteng gewys wat in hulle steek toe hulle op die Bosveld Oval kragte gemeet het.
In die Stockrods afdeling het Mokopane jaers die podium volgestaan met Frikkie van der Merwe eerste, Raymond Cooper twede en Louis Ruitenberg, derde.
In die 1660cc ombouïnsklas was dit net Frederick Cooper van Mokopane wat ‘n derde plek kon behaal.
Die eerste en twede plekke het aan Ben Venter en Jacques Bruwer van Pretoria gegaan.
Met die jaers in die twee liter ombouïnsklas het dit beter gegaan. Jan Venter van Mokopane was eerste en Darren Foss ook van Mokopane, was twede. Ben Venter het derde plek behaal.
Die V8 en Midget klas is deur die Gautenghers oorheers.