Bosveld Oval kry besoekers van orals

MOKOPANE - Saterdag se motorwedrenne by die Bosveld Oval is ondersteun deur heelwat renjaers van ander dorpe en stede, baie van hulle vanaf Pretoria.
Die kompetisie was taai in al die afdelings. Die Van Niekerks het die hitsmotorren oorheers met Riaan in die eerste plek, W.B. tweede  en Willa in die derde plek op die podium.
Ben Venter het die 2.1L ‘modifieds’ wedren gewen, met Jan Venter in die tweede plek en Boela Bekker derde.
Ben het ook die 1660cc ‘modifieds afdeling gewen met Pieter Ferreira tweede en Frederick Cooper derde.
Peter McMahon was eerste in die ‘stockrods’ resies, Kobus Harmse tweede en Frikkie van der Merwe derde. Onder die naeljaers was Shane Carlson eerste, JP Taljaard tweede en in die derde plek was Des Pieterse.