From: 18 November 2023 at 10:00 AM

Location: Burgerstraat 66

Ladies Circle 4 in Louis Trichardt hou op Saterdag, 18 November, ‘n potjieskoskompetisie by die Moths se Turbi Hills Bomgat ten bate van die Light a Smile projek. Die projek beoog om te voorsien in 57 kinders se beno­dighede (geskenk­pakkies) wat oorhandig sal word aan die Feed the Hungry inisiatief.
Deelname kos R500 per span van vier en elke span moet hulle eie pot, stoele en tafel verskaf. Potte moet op die vuur gemaak word en daar moet genoeg kos wees vir drie beoordelaars om te proe en vir lede van die publiek wat daarvan sou wou koop. Elke inskrywing moet ook ‘n tema en kleur hê. Die kompetisie begin om 10:00, met beoorde­ling wat om 14:00 afskop. Ingang vir die publiek is ‘n speelding of toiletware vir die projek. Stalletjies (geen kos) kan ook bespreek word teen R50 elk. Geen eie koeldrank of drank sal toegelaat word nie, aangesien daar ‘n kontantkroeg sal wees. Alles vind plaas te Burgerstraat 66. 
Bespreek voor 5 November by Tanya by tel. 079 513 4780.

Tel: 079 513 4780